ತುಳು
ರಂಗಭೂಮಿ ಬೊಕ ತುಳು ಸಿನೆಮಾ ರಂಗೊಗು
ಬೆಂದುದು ರಂಗಕಲಾಭೂಷಣ
, ತುಳು ರತ್ನ ‘ಪೆರ್ಮೆದ ತುಳುವೆ ‘ತುಳುಸಿರಿ’ ‘ತುಳು ಸಾಹಿತ್ಯ ರತ್ನಾಕರ’ ‘ತೌಳವ ಪ್ರಶಸ್ತಿ’ಇಂಚಿತ್ತಿ ಮಾನದಿಗೆ ದೆತೊಂದು ನಮ್ಮೊಟ್ಟುಗಿತ್ತಿನ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಗುರ್ಗಾರೆ ಎಂ.ಕೆ ಸೀತಾರಾಮ
ಕುಲಾಲ್ ಕರಿನ
ಐತಾರದಾನಿ ಪಂಡ ಜುಲೈ ೨೮ ನೇ ತಾರಿಕ್
ಕಾಂಡೆ ಲೋಕ ಬುಡುದು
ಅಗತೆರ್.
ತುಳು ಬಾಸೆಡ್
ಮನಸ್ ಅರಳುನಂಚಿನ ಬೊಕ
ಮೋಕೆ ಉರ್ಕುದು ಬರ್ಪಿನಂಚಿನ ಪದೊಕುಲೆನ್ ಮೊಡೆದ್ ತುಳು ಸಿನೆಮಾ ಕ್ಷೇತ್ರೊಗು
ಕೊರಿನ ಸೀತರಾಮ ಕುಲಾಲೆರ್ ಸಂಗೀತ
ಪ್ರೇಮಿಲೆಗ್ ಬಾರೀ ಕೈತಲ್ ಆದಿತ್ತೆರ್. ಜನಕ್ಲೆನ
ಬಾಯಿಡ್ ಅಪಗಪಗ ಕೇಂದ್ ಬರೊಂದಿತ್ತಿನ ಮೋಕೆದ
ಸಿಂಗಾರಿ ಉಂತುದೆ ವಯ್ಯಾರಿ ಯಾನ್
ಮೂಲೆ ಕಾತೊಂದುಲ್ಲೆ ಮರತೇ ಪೋಪನಾ ಪದ ತುಳುನಾಡ್ದೊರ್ಮೆ ಬಾರೀ
ಪುಗರ್ತೆ ಪಡೆದ್ ಇತ್ತುಂಡು.ಅಂಚನೆ ಬೇತೆ ಬೇತೆ ಕೊಡಿಡ್ ನಡಪುನ
ಪದಗೊಂಚಿಲ್ ಕಾರ್ಯಕ್ರಮಲೆಡ್ ಈ ಪದ ಕೇಂದ್
ಬರೊಂದು ಇತ್ತ್ಂಡ್. ಈ
ಪದೊಗು ಸುರುಕು ಸೊರ ಕೊರ್ನಾರ್ ಎಸ್. ಬಿ ಬಾಲಸುಬ್ರಹಣ್ಯಂ ,ಅಯೆರ್ದ್
ಬೊಕ್ಕ ಪೆರ್ಮೆದ ಗಾಯಕೆ ಪುತ್ತೂರು
ನರಸಿಂಹ ನಾಯಕ್ ಈ ಮೋಕೆದ ಸಿಂಗಾರಿ
ಪದೊತ ಪೊಸ ಸಂಗೀತೊಡು ಪಂತೆರ್.
ಈ
ಪದ ಮಾತ್ರ ಅತ್, ಪಕ್ಕಿಲು
ಮೂಜಿ ಒಂಜೇ ಗೂಡುಡು ಬದ್ಕೊಂದುಂಡುಗೆ, ಪರಶುರಾಮನ
ಕೊಡಲಿಗ್ ಪುಟ್ಟಿನ ತುಳುನಾಡ್, ಬ್ರಹ್ಮನ ಬರವು ಮಾಜಂದೆ ಪೊಂಡಾ, ಅಪ್ಪೆ
ಮನಸ್ ಬಂಗಾರ ಅಮ್ಮ ತೆನಸು ಸಿಂಗಾರ, ಡಿಂಗಿರಿ ಮಾಮ ಡಿಂಗಿರಿ ಮಾಮ ಪೊಡಿದ್ ಪಾರಡಾ. ಇಂಚ ಜನಕ್ಲೆನ ನಲಾಯಿದ ಕೊಡಿಟ್
ನಲಿಪುನ ಪದೊಕುಲೆನ್ ಬರೆದ್ ಸುಮಾರು
11 ತುಳು ಸಿನೆಮೊಲೆಗ್ 2 5 ಜಾಸ್ತಿ
ಸೂಪರ್ ಹಿಟ್ ಪದೊಕುಲೆನ್ ಬರೆತೆರ್
. ಪದೊತ ಮೂಲಕ
ಬೇಗ ಜನಕ್ಲೆಗ್ ಗುರ್ತ ಆಯಿನ ಮಾತ್ರ ಅತ್ ಆರ್ ರಂಗಭೂಮಿಡ್ ಬೆಂದ್ ನಾರ್. ಇರ್ವೊನೆ ಒರ್ಸೊಡು ನಾಟಕ ಬರೆವರ ಪಿದಾಡಿನ ಕುಲಾಲೆರ್ ದಾಸಿ ಪುತ್ರ
ಪನ್ಪಿನ ಪುದರ್ ಡ್ ಸುರುತ ನಾಟಕ
ಬರೆಯೆರ್. ಅಯೆರ್ದ್ ಬೊಕ್ಕ ತುಳು ಮಣ್ಣ್ ದ ಬಿರ್ಸೆದಿ ಪೊಣ್ಣು
ರಾಣಿ ಅಬ್ಬಕ್ಕನ ಬಗೆಟ್ ಬರೆಯ್ನ ಮಣ್ಣಿನ ಮಗಳು ನಾಟಕ ಎಡ್ಡೆ ಪುದರ್ ನ್ ಕನತ್ಂಡ್. ಇಂಚ
ಕನ್ನಡೊಡು ಒಟ್ಟು ೨೦ ಸಾಮಾಜಿಕ ನಾಟ
೧೯ ಚಾರಿತ್ರಿಕ ಬೊಕ ಪೌರಾಣಿಕ ಜಾನಪದ ನಾಟಕೊನು ಬರೆಯೆರ್. ಐತ ಒಟ್ಟುಗೆ ೧೦ ತುಳು
ಸಾಮಾಜಿಕ ಬೊಕ ಚಾರಿತ್ರಿಕ ನಾಟಕ ೨ ತುಳು ನಾಟಕನ್
ಕನ್ನಡಗ್ ತರ್ಜುಮೆ ೪ ರೇಡಿಯೋ ನಾಟಕ
೨ ದೃಶ್ಯ ರೂಪಕ ಬುಕ ನಾಲ್ ಗೀತ
ರೂಪ ರಚನೆ ಮಲ್ದುದು ಕನ್ನಡ ಬುಕ ತುಳು ರಂಗಭೂಮಿಗ್ ಬೆಂದಿನಾರ್.
ಮಲ್ಲ
ತುಳು ಚಿತ್ರ ಸಾಹಿತಿಯಾದ್ ಪುದರ್ ಪಡೆಯಿನ ಸೀತರಾಮ ಕುಲಾಲ್ ಪಗೆತ ಪುಗೆ, ಉಡಲ್ದ ತುಡರ್, ಬಯ್ಯ ಮಲ್ಲಿಗೆ ಬದ್ಕ್ ದ ಬಿಲೆ, ನಿರೆಲ್
ಸಿನೆಮಾಗ್ ಪದೊಕುಲೆನ್ ಬರೆದ್ ಕೊರ್ದಿತ್ತೆರ್. ಮೇರ್ ಬರೆಯಿನ ಮೋಕೆದ ಸಿಂಗಾರಿ,ಪಕ್ಕಿಲು ಮೂಜಿ ಒಂಜೇ ಗೂಡುಡು, ಬ್ರಹ್ಮನ ಬರವು ಮಾಜಂದೆ ಪೋಂಡ, ಉಡಲ್ದತುಡರ್ ಗ್ ಮನಸ್ ಉರ್ಕರ್ದ್,
ಸಾರ ಒರ್ಸೊಲ ಸುಕೊನೆ ಪಡೆಲ ಇಂಚಿನ ಪದೊಕುಲು ಇತ್ತೆಲಾ ಜನಕ್ಲೆನ ಉಡಲ್ ಡ್ ಉಂಡು . ರಾಮಕಿರೋಡಿಯನ್ ಬುಕ
ಕೆ.ಎನ್ ಟೇಲರ್ ಸಂಜೀವ ದಂಡಕೇರಿ ಮುಲ್ಕೆನೊಟ್ಟುಗು ಸೇರೊಂದು ಕಡಲನಾಡ ಕಲಾವಿದರು ಪನ್ಪಿನ ನಾಟಕ ತಂಡೊನು ಕಟ್ಟ್ ದ್ ಬೇತೆ ಬೇತೆ
ಕೋಡಿಲೆಡ್ ನಾಟಕ ಗೊಬ್ಬುದು
ಪಾಲ್ ಪಡೆದ್ ದಿಂಜ ಪ್ರಶಸ್ತಿನ್ ಪಡೆದಿತ್ತೆರ್. ಮೇರ್ ಬರೆಯಿನ ನಾಟಕ ಬೆಂಗಳೂರು, ಬೊಂಬಾಯಿ ಬುಕ ಪಿದಾಯಿ ದೇಸೊಡ್ಲಾ ಪ್ರದರ್ಶನ ಆದಿತ್ತುಂಡು.
ವೃತ್ತಿ
ಬದ್ ಕ್ ಡ್ ಯುನೈಟೆಡ್
ಇನ್ಸೂರೆನ್ಸ್ ಕಂಪೆನಿಡ್ ಬೇಲೆ ಮಲ್ತೊಂದಿನ ಸೀತಾರಾಮ ಕುಲಾಲ್ ಸುರತ್ಕಲ್ ಡ್ ಹಿರಿಯ ಶಾಖಾದಿಕಾರಿಯಾದ್
ನಿವೃತ್ತಿಯಾಯೆರ್. ತುಳು ಸಾಹಿತ್ಯ ಅಕಾಡೆಮಿಡ್ ೨೦೦೫ ಡ್ದ್ ೨೦೦೮ ಮುಟ್ಟ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆಯಾದ್ ಸೇವೆ ಮಲ್ತಿನ ಸಿತಾರಾಮ ಕುಲಾಲೆರ್ ಅಕಾಡೆಮಿದ ಜಾಗೆ ಬೊಕ ತುಳು ಭವನೊದ ನಿರ್ಮಾಣೊಗು ಕಾರಣ ಕರ್ತರೆರ್ ಅಂಚನೆ ತುಳು ಕಲ್ಪುಗ ಕಜ್ಜೊಗು ಕೈ ಜೋಡಿಸಾದ್ ಇತ್ತೆರ್.
ಕುಡ್ಲದ ಬಿಜೈ ಕೈತಲ್ ದ ಬಾಳಿಗ ಸ್ಟೋರ್
ಪನ್ಪಿನಲ್ಪ ಇಲ್ಲ್ ಮಲ್ತ್ ದ್ ಇತ್ತಿನ
ಮೇರ್ ಇಂಚಿಪ
ಅರೋಗ್ಯ ಸಮಸ್ಯೆದಾತ್ರ ಆಸ್ಪತ್ರೆ ಸೇರ್ದಿತ್ತೆರ್. ಮೇರ್ ಲೋಕ ಬುಡುತು ಅಗತಿನ ಸುದ್ದಿ ಕೇಂದ್ ತುಳು ರಂಗಭೂಮಿ ಬೊಕ ಸಿನೆಮಾ ಕ್ಷೇತ್ರದ ಕಲಾವಿದೆರ್ ಕಣ್ಣಿರ್ ಪಾಡ್ತೆರ್.
ತುಳು
ರಂಗಭೂಮಿ ಬೊಕ ಸಿನೆಮಾ ಕ್ಷೇತ್ರಗ್ ಮಾಮಾಲ್ಲ ಸಂಪತ್ ಕೊರ್ನ ,ರಂಗಭೂಮಿದ ಬುಲೆಚ್ಚಿಲ್ಗ್ ಕಾರಣ
ಆಯಿನ ಸೀತರಾಮ
ಕುಲಾಲ್ ನಮ್ಮೊಟ್ಟುಗು
ಇಜ್ಜೆರ್. ಆರ್ ಬರೆಯಿನ
ಭ್ರಹ್ಮನ ಬರವು ಮಾಜಿದ್ ಪೋಂಡಾ ಪದ ಕೆಬಿಟ್ ಕುಡ
ಕೇಂಡಿಲೆಕ್ಕ ಆಪುಂಡು..ಉಡಲ್ದ ತುಡರ್ ತೆಕ್ಕ್ಂಡ್ ….. ಬೊಳ್ಳಿ ತೋಟದ ಬಯ್ಯಮಲ್ಲಿಗೆ ಬಾಡ್ಂಡ್
No comments:
Post a Comment