ನೆಂಪು

ಬರೆತೆ ನಿನ್ನ ಪುದರ್‍ನ್

ಗಡಾಯಿ ಕಲ್ಲ್ ದ  ಮಿತ್ತ್ ಡ್

ಕಮ್ಮೆನದ ಗಾಳಿ ಇಯೆ

ಸೂರ್ಯೆ ಮುರ್ಕುನ ಪೊರ್ತುಡ್ || 1 ||

                                ಅರಮನೆ ದುಳಯಿ ಕುಲ್ಲಿನ ಪೊರ್ತು

                                ಆ ರಾತ್ರೆದ ಕನೊಟು

                                ನೆಂಪೊಂಜೆ ತೆಲಿತ್ ನಲಿತ್‍ನವು

                                ಪೊರ್ಲುದ ಮೂಜಿ ದಿನೊಟು || 2||

ಪಚ್ಚೆ ಪಜಿರ್‍ದ ಉಂತಿನ ಪನಿನೀರ್

ನಿನ್ನ ಪಜ್ಜೆಗ್ ಮುತ್ತಾಂಡ್

ನಿನ್ನ ಪೊರ್ಲುದ ತೆಲಿಕೆಗ್

ಎನ್ನುಡಲ್ ಶಾಂತಿದ ಕಡಲಾಂಡ್ || 3 ||

                                ನಿನ್ನ ಕಣ್ಣ ದೃಷ್ಠಿ

ಸಾದಿಗ್ ಬೊಪ್ಪಾದ್ ತೊಜುಂಡು

ಬಾನದಂಚಿ ತರೆದೇರ್ತ್  ತೂಲ

ನಿನ್ನ ಪೊರ್ಲುಗು ಬೊಳ್ಳಿಲ್ ಮಿನ್ನುಂಡು || 4||

 ಬರಿತೊನುವೆ ತುಳುವ ಮಣ್ಣ್ ದ  ಸಾರ

ನಿನ್ನ ಮೋಕೆ ಎನ್ನುಡಲ ಬಲೊಕು

ಹಿರಿಯಕ್ಲು ಪಂಡಿ ಪಾತೆರೊಡು

ಪುದರ್ ಕೊನಲ ಪುಟ್ಟಿ ಕುಲೊಕು || 5 ||

                                ಮೂಡಯಿ ಪಡ್ಡಾಯಿ, ತೆನ್ಕಾಯಿ ಬಡ್ಕಾಯಿಡ್

ನಿನ್ನ ಪುದರೇ ಒರಿಯೊಡು

ಉಡಲ್ ದಿಂಜಿಂದ್ ಇತ್ತೆ ಒರ

ತಾಟಿ ಬೊಟ್ಟುದು ನಲಿಪೊಡು || 6 ||-

-ವಿ. ಕೆ ಕಡಬ