ಬಾನದ ಅರಸು

ಬೊಳ್ಳಿ ಮುಗಲ್‍ದ ಸಿಂಗಾರೊಡು

ಅರಸು ಕುಲ್ಲುತೆ ಪಟ್ಟೊಡು

ಬಂಗಾರ್ದ ಬೊಲ್ಪು ಕೊರೊಡು

ತೆಲಿತೊಂದುಲ್ಲೆ ಬೊಳ್ಳಿದ ಎದುರುಡು || 1 ||

                               

ಜನಮಾನಿಡ ಮೋಕೆ ತೋಜಾದ್

ಜತ್ತೆ ಭೂಮಿತ ಮಿತ್ತ್

ಮನಸ್‍ದ ಬೇನೆ ದೂರ ಮಲ್ಪು

ಎನ್ನ ಕೈನ್ ಬರ ಪತ್ತ್ || 2 ||

ನೀರ ಪನಿಕ್ ನಿನ್ನ ಬೊಲ್ಪು

ಪೊಸ ಏಸೊಡು ಮಿನ್ನುಂಡು

ಮನಸ್‍ದಾಸೆ ತೀರ್‍ಂಡ್

ಉಡಲ್ ನಿನ್ನ ನಲಿಪುಂಡು || 3 ||

                               

ಜೋಕುಲೆ ಬುಲಿಪುನ್ ಉಂತಾಡ್

ತೆಲಿಕೆ ಪುಟ್ಟಯ ಮೋನೆಡ್

ಪೊಸತ್ ಬಾಳ್ವೆನ್ ಕೊರು

ನಿನ್ನ ಮಿಂಚುನ ಬೊಲ್ಪುಡ್ || 4 ||

ನಿನ್ನೊಟ್ಟುಗು ಸೇರ್ದ್ ನಲಿಪರ

ಕಾತೊಂದುಲ್ಲೆರ್ ಈ ರಾತ್ರೆಗ್

ಬದ್‍ಕ್‍ದ ಸಾರ ತೆರಿಪಾಲ

ಸುಗಿಪುವೆ ನಿನ್ನನ್ ಅಮವಾಸೆಗ್ || 5 ||

       ಪುಣ್ಣಮೆದ ಅರಸು

      ಶಾಂತಿ ಕೊರುಲಾ ಜಗೊಕು

ಮರಪಂದೆ ನನೊರ ಅಮಾವಾಸೆಗ್ ಬಲಾ

         ಎರ್ಕ ಕುಲ್ಲುದು ಪಾತೆರುಗ || 6 ||