ಒಮ್ಮೆಯಾದರೂ ನಗಬಾರದೆ?
ಸತ್ಯ ದರ್ಶನ :- ತಂದೆ ನಿರ್ಮಾತೃ.ಮಕ್ಕಳಿಗೆ ತಂದೆ ಯ ಬಗ್ಗೆ ಎಷ್ಟು ಕಾಳಜಿ ಇದೆಯೋ ಗೊತ್ತಿಲ್ಲ. ಆದರೆ ಮೊನ್ನೆ ಕಾರ್ಯಕ್ರಮವೊಂದಕ್ಕೆ ಮುಲ್ಕಿಯತ್ತ ಬಸ್ಸಿನಲ್ಲಿ ಪ್ರಯಾಣಿಸುತಿದ್ದೆ.ಸುರತ್ಕಲ್ ನಲ್ಲಿ ತುಂಬಾ ಸಮಯ ಬಸ್ಸು ನಿಂತಿತ್ತು.ತನ್ನ ಮಗಳನ್ನು ಬಸ್ಸಿನಲ್ಲಿ ಬಿಡಲು ಆಕೆಯ ತಂದೆಯು ಬಂದಿದ್ದರು.ಲಗೇಜು-ಬ್ಯಾಗು ಎಲ್ಲವನ್ನು ತಂದೆಯೇ ಬಸ್ಸಿನೊಳಗೆ ಹಾಕಿದರು .ಬಸ್ಸು ಹೊರಡುವುದನ್ನೆ ಆಕೆಯ ತಂದೆ ಕಾಯುತ್ತಿದ್ದರು.ಬಸ್ಸು ಹೊರಟಾಗ ಮಗಳು ದೂರವಾಗುತ್ತಾಳೆ ಅನ್ನುವ ಕೊರಗೊ ಗೊತ್ತಿಲ್ಲ ಕಣ್ಣಂಚಿನಲ್ಲಿ ಕಣ್ಣಿರು ಸುರಿಯುತಿತ್ತು.
ಆ ಹುಡುಗಿ ಸೀಟಲ್ಲಿ ಕುಳಿತು ಮೊಬೈಲ್ ಒತ್ತಲು ಶುರು ಮಾಡಿದಳು.ಆದರೆ ಮಗಳ ಮುಖದಲ್ಲಿ ಮುಗುಳು ನಗೆಯ ಭಾವ,ವ್ಯತ್ಯಾಸ ನಾನು ಕಾಣಲೇ ಇಲ್ಲ.ಮಗಳು ಸುರಕ್ಷಿತವಾಗಿ ನಿಗದಿತ ಜಾಗಕ್ಕೆ ತಲುಪಲಿ ಎಂದು ಮನದೊಳಗೆ ಹಾರೈಸುವ ತಂದೆಯ ಮನಸು ಇಂದಿನ ಮಕ್ಕಳಿಗೆ ಅರ್ಥವಾಗುವುದಿಲ್ಲವೆ? ತಂದೆಯ ಪ್ರೀತಿ,ಕಾಳಜಿಗೆ ಒಂದು ಕ್ಷಣವಾದರೂ ಬೆಲೆ ಕೊಡಬಾರದೆ? ಸದಾ ನಮ್ಮ ಜೊತೆಗಿರುವ ಮೊಬೈಲ್ ಎಲ್ಲವನ್ನು ನೀಡದು, ಜೊತೆಗಿರದ ತಂದೆಯೆ ಹೆಚ್ಚು ಮಗಳ ಬಗ್ಗೆ ಕನಸು ಕಾಣುತ್ತಾ ತನ್ನ ಪ್ರಾಮಾಣಿಕ ಜವಾಬ್ದರಿಯನ್ನು ಮಾಡುತ್ತನೇ ಇರುತ್ತಾರೆ ಅನ್ನೋದು ಎಲ್ಲರಿಗೂ ನೆನಪಿರಲಿ.ಅಪರಿಚಿತರಿಗೆ ಮುಖ ತೋರಿಸಿ ಮಾತಾಡುವ ನಾವು ತಂದೆಯ ಮುಖ ನೋಡಿ ಒಮ್ಮೆಯಾದರೂ ನಗಬಾರದೆ?ಹೆತ್ತವರ ಎದುರು ನಾವು ಮಕ್ಕಳಾಗಿಯೇ ಇರಬೇಕು .
No comments:
Post a Comment